ԱՄՆ նախագահ Դոնալդ Թրամփի Սպիտակ տուն վերադառնալուց հետո աֆրիկյան առաջնորդների հետ առաջին գագաթնաժողովը կկայանա Վաշինգտոնում հուլիսի 9-11-ը, հաղորդում է Semafor-ը՝ հղում անելով աղբյուրներին։
Նրանց տեղեկությունների համաձայն՝ ԱՄՆ մայրաքաղաք կժամանեն Գաբոնի, Գվինեա-Բիսաուի, Լիբերիայի, Մավրիտանիայի և Սենեգալի առաջնորդները։ Վաշինգտոնը գագաթնաժողովում նախատեսում է քննարկել Արևմտյան Աֆրիկայի երկրների հետ համագործակցությունը հանքային պաշարների ոլորտում, ինչպես նաև տարածաշրջանային անվտանգության հարցեր։
Բացի այդ, Semafor-ը նշում է, որ աշնանը նախատեսվում է ԱՄՆ-Աֆրիկա ավելի մեծ գագաթնաժողով։ Այն նախատեսվում է անցկացնել սեպտեմբերին Նյու Յորքում։
