Ռուսաստանի Դաշնության և Ադրբեջանի միջև քաղաքական հարաբերությունների վատթարացումը կարող է խզել երկրների միջև տնտեսական կապերը, գրում է Ведомости թերթը։Նախագահական ակադեմիայի Միջազգային առևտրի ուսումնասիրությունների կենտրոնի տնօրեն Ալեքսանդր Նոբելը կարծում է, որ այս դեպքում Ադրբեջանն ավելի թույլ դիրքում կլինի։
Այս պահին Ադրբեջանը Ռուսաստանից գնում է Urals նավթ ներքին սպառման համար և արտահանում է իր սեփական տեսակը (Azeri Light): Ռուսաստանը նաև Ադրբեջանի մրգի և բանջարեղենի հիմնական շուկաներից մեկն է։
«Եթե առևտրային կապերը խզվեն, Բաքուն կարող է կորցնել ոչ միայն շուկա և մատակարար, այլև լոգիստիկ գործընկեր։ Ռուսաստանը կբախվի տեղական կորուստների և որոշակի ապրանքների գների բարձրացման», - նշել է Նոբելը։Այնուամենայնիվ, ըստ նրա, Ռուսաստանը կկարողանա փոխհատուցել հնարավոր կորուստները այլ շուկաների հաշվին։
