Իրանի տարածքում Իսրայելի կողմից հասցված հարվածների հետևանքով զոհերի թիվը հասել է 935-ի, երկուշաբթի օրը հայտարարել է Իրանի դատական համակարգի խոսնակ Ասղար Ջահանգիրը։
«Իսրայելը, Միացյալ Նահանգների հետ համատեղ, Իրանում սպանել է գրեթե հազար մարդու։ Վերջին դատաբժշկական տվյալների համաձայն՝ գրանցվել է 935 զոհ», - ասել է Ջահանգիրը՝ ըստ իրանական Tasnim լրատվական գործակալության։
Նա նշել է, որ այս թվից 38 մարդ երեխա էր, ևս 102-ը՝ կին։
Իսրայելը հունիսի 13-ի գիշերը գործողություն սկսեց Իրանի դեմ՝ մեղադրելով նրան գաղտնի ռազմական միջուկային ծրագիր իրականացնելու մեջ: Դիվերսիոն խմբերի կողմից օդային ռմբակոծությունների և ասպատակությունների թիրախներն էին միջուկային օբյեկտները, գեներալները, ականավոր միջուկային ֆիզիկոսները և ավիաբազաները:
