Հնդկաստանում Air India Boeing 787-8 Dreamliner-ի կործանման հնարավոր պատճառ է համարվում դիվերսիան, NDTV-ին ասել է քաղաքացիական ավիացիայի պետական նախարար Մուրլիդհար Մոհոլը։
«Միջադեպը ուսումնասիրվում է բոլոր տեսանկյուններից, այդ թվում՝ հնարավոր դիվերսիայից», - ասել է նախարարը։
Մոհոլի խոսքով՝ փորձագետները վերանայում են տեսախցիկների տեսագրությունները և գնահատում բոլոր ասպեկտները՝ հասկանալու համար, թե իրականում ինչ է տեղի ունեցել այդ ճակատագրական օրը։
Նախարարը նաև նշել է, որ Հնդկաստանի իշխանությունները չեն հանձնի կործանված ինքնաթիռի ինքնագրիչները այլ երկրներին։
