Հունիսի 29-ին Գազայի հատվածում Իսրայելի կողմից իրականացված օդային հարվածների հետևանքով զոհվել է առնվազն 72 մարդ, եւս շատերը վիրավորվել են, հայտնում է կատարական «Ալ Ջազիրա» հեռուստաալիքը՝ հղում անելով բժշկական աղբյուրներին։
Մասնավորապես, նրանց տեղեկությունների համաձայն, Գազա քաղաքում անցած օրվա ընթացքում Իսրայելի հարձակման զոհ է դարձել 47 պաղեստինցի։ Զոհերի թվում են եղել օգնության բաշխման կենտրոններում սնունդ փնտրող մարդիկ, քանի որ պաշարված անկլավում արդեն իսկ աղետալի մարդասիրական իրավիճակը վատթարանում է ամեն օր, նշում է հեռուստաալիքը։
Մարտի 18-ին Իսրայելի բանակը վերսկսեց ռազմական գործողությունները Գազայի հատվածում՝ սկսելով զանգվածային հարվածներ անկլավի դեմ և դադարեցնելով հունվարին հաստատված հրադադարը։
