Իրանը խաթարել է Պարսից ծոցի երկրների վստահությունը՝ հարձակվելով Կատարի վրա, որտեղ գտնվում է ԱՄՆ «Ալ Ուդեյդ» ռազմաբազան, հայտարարել է ԱՄԷ նախագահի դիվանագիտական խորհրդական Անվար Գարգաշը։
Նրա խոսքով՝ արաբական միապետությունները «հաստատուն, ուժեղ և միանշանակ դիրքորոշում են ընդունել Իսրայելի և Իրանի միջև պատերազմի դեմ»։ Չնայած դրան՝ Իսլամական Հանրապետությունը խախտել է Կատարի ինքնիշխանությունը՝ հարձակվելով նրա տարածքի վրա։ Ինչպես նշել է Գարգաշը, այս հարձակումը ազդում է Պարսից ծոցի բոլոր պետությունների վրա։
«Այսօր, երբ մենք շրջում ենք պատերազմի էջը, Թեհրանը շարունակում է կոչված լինել վերականգնելու վստահությունը իր Պարսից ծոցի հարևանների հետ, որը խաթարվել էր այս հարձակման պատճառով», – գրել է Էմիրաթների նախագահի խորհրդականը X-ում։
Իսրայելը հունիսի 13-ի գիշերը ռազմական գործողություն սկսեց Իրանի դեմ։ Մեկ օր էլ չանցած՝ Իսլամական Հանրապետությունը հակագրոհ սկսեց։
