Գազայի իշխանությունները հայտարարել են, որ պաղեստինցիներին որպես մարդասիրական օգնություն տրամադրվող ալյուրի մեջ թմրանյութեր են հայտնաբերվել։
«Մենք խորը մտահոգություն ենք հայտնում և դատապարտում ենք, այսպես կոչված, ամերիկա-իսրայելական մարդասիրական օգնության բաշխման կենտրոններում քաղաքացիներին տրամադրվող ալյուրի պարկերում թմրամիջոցային ազդեցություն ունեցող օքսիկոդոնի հաբերի հայտնաբերումը», – ասվում է սոցիալական ցանցերում տեղադրված հայտարարության մեջ։
Ինչպես նշել են անկլավի իշխանությունները՝ հայտնի է առնվազն չորս նմանատիպ դեպք:
«Մենք Իսրայելի օկուպացիային լիովին պատասխանատու ենք համարում այս սարսափելի հանցագործության համար, որը նպատակ ունի քաղաքացիների շրջանում թմրամոլություն առաջացնել և պաղեստինյան հասարակությունը ներսից քայքայել», – նշվում է հրատարակության մեջ։
Գազայի իշխանությունները կոչ են արել միջազգային հանրությանը նպաստել ամերիկա-իսրայելական մարդասիրական օգնության բաշխման կենտրոնների փակմանը։ Գազայի վարչակազմը դրանք անվանում է «մահվան թակարդներ»՝ Իսրայելի պաշտպանության բանակի հարվածներից սնունդ ստանալ փորձող մարդկանց մահվան պատճառով։
