Իսրայելի բանակը այսօր առավոտյան գրանցել է նոր հրթիռային արձակում Եմենից, որտեղից Իսրայելը պարբերաբար գնդակոծվում է «Անսար Ալլահ» շարժման հուսիթ ապստամբների կողմից, հաղորդում է բանակի մամուլի ծառայությունը։
Ըստ բանակի հայտարարության՝ Իսրայելի ուղղությամբ արձակվել է մեկ հրթիռ։ Զինվորականները փորձել են որսալ այն, որից հետո «հրթիռը, ամենայն հավանականությամբ, հաջողությամբ որսացվել է», - նշել է բանակը։
Պետական Kan հեռարձակողի հաղորդմամբ՝ հրթիռային սպառնալիքի պատճառով Իսրայելի հարավում մի քանի շրջաններում հայտարարվել է օդային հարձակման մասին տագնապ։ Զոհերի կամ ավերածությունների մասին տեղեկություններ չկան։
