Tesla-ի գործադիր տնօրեն Իլոն Մասկը հայտարարել է, որ Tesla Model Y ինքնակառավարվող տաքսիի առաջին ինքնավար առաքումն ավարտվել է նախատեսվածից մեկ օր շուտ։
«Tesla Model Y-ի առաջին լիովին ինքնավար առաքումը գործարանից հաճախորդի տուն ավարտվեց նախատեսվածից մեկ օր շուտ», - գրել է նա իր X էջում։
Մասկը շնորհակալություն է հայտնել Tesla-ի ծրագրային ապահովման մշակողներին և արհեստական բանականության չիպերի դիզայներներին նախագծի հաջողության համար։
ԱՄՆ ներքին շուկայում Tesla-ն կմրցակցի Waymo (Google) ինքնագնաց տաքսի ծառայության հետ, որը սկսել է ներդրվել 2020 թվականին: Համաշխարհային շուկայում Մասկի ընկերությունը կհանդիպի նաև չինական Apollo Go, WeRide և Pony AI ընկերությունների մրցակցությանը:
2016 թվականին Մասկը առաջին անգամ Tesla-ի ներդրողներին հայտարարեց, որ ընկերությունը մոտ մեկ տարի անց կներկայացնի ինքնագնաց մեքենա, որը կարող է անվտանգ կերպով տեղափոխել ուղևորներ առանց մարդկային միջամտության, սակայն այն դեռևս վաճառքի չի հանվել։
