Թուրքիայի արտաքին գործերի նախարար Հաքան Ֆիդանը կարծում է, որ Ռուսաստանի և Ուկրաինայի միջև հակամարտության կարգավորման հետ կապված հարցերը բարդ են և չեն կարող լուծվել մի քանի փուլով։ Այս մասին նա ասել է A haber հեռուստաալիքի եթերում։
«Բանակցությունների վերջին փուլի ընթացքում կողմերը կրկին համաձայնության եկան գերիների փոխանակման հարցում։ Սակայն, միևնույն ժամանակ, նրանք միմյանց հայտնեցին իրենց դիրքորոշումները փոխանակվեցին հուշագրերով, որոնք կքննարկվեն հաջորդ հանդիպման ժամանակ։
«Երկու կողմերն էլ այժմ պաշտոնապես տեղյակ են միմյանց դիրքորոշումներից։ Բայց ես արդեն ասել եմ, որ ուկրաինական հակամարտության խնդիրը շատ մեծ է, դա այնպիսի հարց չէ, որը կարելի է լուծել մի քանի հանդիպումներում»,-ասել է Ֆիդանը։
Նա նշել է, որ հուշագրերի փոխանակումից ի վեր «ձևավորվել են նախնական բանակցային դիրքորոշումներ»։
«Սովորաբար, նման բանակցությունները սկսվում են բավականին հեռավոր կետից։ Եթե բանակցությունները լավ են ընթանում, եթե կա փոխզիջման հասնելու մտադրություն, եթե միջնորդը նույնպես օգնի, ապա, ինչպես մենք կարծում ենք, կողմերը կկարողանան ընդհանուր հայտարարի գալ», - կարծում է նախարարը։
