Իսրայելի պաշտպանության ուժերը (IDF) պայթեցրել են Գազայի հատվածի հյուսիսում գտնվող արմատական ՀԱՄԱՍ շարժմանը պատկանող 1 կիլոմետր երկարությամբ թունելը, հաղորդում է բանակի մամուլի ծառայությունը։
«Մոտ 1 կմ երկարությամբ ահաբեկչական թունելն ամբողջությամբ ոչնչացվել է», - ասվում է հայտարարության մեջ։ Զինվորականները նշել են, որ գործողությունն իրականացվել է Գազայի հյուսիսային հատվածում՝ Բեյթ Հանուն շրջանում, որտեղ, բացի այդ, «զորքերը հայտնաբերել և ոչնչացրել են տասնյակ ահաբեկչական օբյեկտներ և մի շարք ահաբեկիչներ»։
Մամուլի ծառայությունը նշել է, որ ավերված թունելը պաղեստինցի արմատականները օգտագործել են իսրայելցի զինվորների վրա հարձակվելու համար 2014 թվականի ամռանը՝ Գազայի հատվածում Իսրայելի կողմից իրականացվող 50-օրյա «Պաշտպանական եզր» ռազմական գործողության ցամաքային փուլի ընթացքում։
