Ճապոնիայում ի կատար է ածվել 2022 թվականից ի վեր առաջին մահապատիժը, հաղորդում է երկրի հանրային հեռուստատեսությունը։
Սա նաև առաջին մահապատիժն է, որի կատարման հրամանը ստորագրվել է վարչապետ Շիգերու Իշիբայի կառավարության արդարադատության նախարարի կողմից։ Ճապոնիայում մահապատիժն իրականացվում է կախաղանի միջոցով։
Տեղացի տղամարդը 2021 թվականին դատապարտվել էր մահապատժի՝ ինը մարդու սպանության համար: 34-ամյա Տակահիրո Շիրայշին ինքնասպանության մտադրություն ունեցող դեռահասներին և երիտասարդներին իր բնակարան էր բերում սոցիալական ցանցերի միջոցով, ապա սպանում նրանց:
Ընդհանուր առմամբ, պատերազմից հետո Ճապոնիայում մահապատժի է ենթարկվել 105 հանցագործ։
