Ֆրանսիայի երեք շրջաններում փոթորկի հետևանքով զոհվել է առնվազն երկու մարդ, մեկը՝ վիրավորվել, գրում է «Ֆիգարո» թերթը։
«Ֆրանսիայի մայրցամաքային մի քանի շրջաններում ջերմաստիճանը գերազանցեց 35 աստիճան Ցելսիուսը, չորեքշաբթի օրը երկրի մեծ մասում ամպրոպներ տեղի ունեցան, որոնց հետևանքով Մայենում (արևմուտքում - խմբ.) և Տարն-է-Գարոնում (հարավում - խմբ.) առնվազն երկու մարդ մահացավ», - ասվում է հրատարակության մեջ։
Հրատարակության տվյալներով՝ մահացածները 59-ամյա տղամարդ և 12-ամյա տղա էին, որոնք երկուսն էլ կորցրել էին իրենց կյանքը, երբ ծառերը ընկել էին նրանց վրա։ Հաղորդվում է նաև, որ Փարիզից հարավ գտնվող Լուարե դեպարտամենտի Պատայ գյուղում 82-ամյա տղամարդը վնասվածք է ստացել կայծակի հարվածից և հոսպիտալացվել։
Ֆրանսիայի ազգային օդերևութաբանական ծառայությունը հայտնում է, որ դեղին տագնապի մակարդակ է հայտարարվել երկրի գրեթե բոլոր դեպարտամենտներում, բացառությամբ արևմտյան և հարավային ափերի, մինչդեռ նարնջագույն տագնապ է գործում Ֆրանսիայի արևելյան մասում և հյուսիսում։
