Թուրքիայի նախագահ Ռեջեփ Թայիփ Էրդողանը հայտարարել է, որ Անկարան երկխոսության մեջ է Մոսկվայի և Կիևի հետ՝ բանակցությունների երրորդ փուլ անցկացնելու համար։
«Մենք շարունակում ենք մեր ջանքերը՝ այս դաժան պատերազմը արդար և կայուն խաղաղությամբ ավարտելու համար։ Մենք երկխոսության մեջ ենք կողմերի հետ՝ առաջիկա ժամանակահատվածում բանակցությունների երրորդ փուլ անցկացնելու համար», -
Հաագայից վերադառնալուց հետո ինքնաթիռում լրագրողներին ասել է Թուրքիայի առաջնորդը։
Ռուսաստանը և Ուկրաինան անցկացրեցին ուղիղ բանակցությունների երկու փուլ։ Հանդիպումները տեղի ունեցան Ստամբուլում։ Դրանց արդյունքում տեղի ունեցավ գերիների փոխանակում։ Ռուսաստանը նաև Ուկրաինային հանձնեց զոհված զինծառայողների մարմինները։ Կողմերը փոխանակվեցին հակամարտության կարգավորման վերաբերյալ հուշագրերի նախագծերով։
Վլադիմիր Պուտինը նախկինում առաջարկել էր Ուկրաինային վերսկսել առանց նախապայմանների ուղիղ բանակցությունները Ստամբուլում մայիսի 15-ին։
Ռուսաստանի պետության ղեկավարը չի բացառել, որ համապատասխան բանակցությունների ընթացքում կողմերը կարող են համաձայնության գալ հրադադարի վերաբերյալ: Ինչպես հայտարարել է Ռուսաստանի նախագահի մամուլի քարտուղար Դմիտրի Պեսկովը,
Ռուսաստանը վճռականորեն տրամադրված է լուրջ փնտրել երկարաժամկետ խաղաղ կարգավորման հասնելու ուղիներ:
