Թուրքիայի նախագահ Ռեջեփ Թայիփ Էրդողանը հայտարարել է, որ ռուսական S-400 հակաօդային պաշտպանության համակարգերը միայն բավարար չեն իր երկրի բոլոր հակաօդային պաշտպանության կարիքները բավարարելու համար։ Այս մասին նա լրագրողներին ասել է Հաագայից վերադառնալուց հետո, որտեղ տեղի է ունեցել Հյուսիսատլանտյան դաշինքի գագաթնաժողովը։
«Հակաօդային պաշտպանության համակարգը չի սահմանափակվում միայն S-400-ով։ Եվ մեր հասարակական կարծիքը վերջին օրերին տարածաշրջանում հակամարտության հետ կապված հստակ հասկացել է դա։ Մենք պետք է ստեղծենք բազմամակարդակ հակաօդային պաշտպանության համակարգի համալիր։ Շատ կարևոր է ունենալ հրթիռներ գործելու տարբեր բարձրությունների վրա և որպեսզի դրանք աշխատեն ներդաշնակորեն», - Էրդողանի խոսքերն է մեջբերում «Անադոլու» գործակալությունը։
Նա նշել է, որ Թուրքիան զգալի առաջընթաց է գրանցել հրթիռային կարողությունների ոլորտում, սակայն դա բավարար չէ։
«Մենք կառուցում ենք միասնական համակարգ՝ «Պողպատե գմբեթը»։ Մենք համատեղում ենք տարբեր բարձրությունների ՀՕՊ համակարգեր, սենսորներ, էլեկտրոնային պատերազմի համակարգեր, որոնք մենք ինքներս ենք մշակել», - ասել է Էրդողանը։
