ԱՄՆ Կենտրոնական հետախուզական գործակալությունը (ԿՀՎ) տեղեկություններ է ստացել այն մասին, որ Իրանի միջուկային ծրագիրը լուրջ վնաս է կրել ԱՄՆ ուժերի կողմից Իսլամական Հանրապետությունում գտնվող թիրախների վրա վերջերս հասցված հարվածների հետևանքով, ասվում է ԿՀՎ տնօրեն Ջոն Ռատկլիֆի գրավոր հայտարարության մեջ։
«ԿՀՎ-ն կարող է հաստատել, որ կան հավաստի հետախուզական տվյալներ, որոնք ցույց են տալիս, որ Թեհրանի միջուկային ծրագիրը լրջորեն վնասվել է վերջին ճշգրիտ հարվածներից», – ասել է Ռատկլիֆը՝ հավելելով, որ «իրանյան մի քանի կարևոր միջուկային օբյեկտներ ոչնչացվել են, և դրանց վերականգնման համար տարիներ կպահանջվեն»։Նմանատիպ գնահատականներ նախկինում ներկայացրել էր ԱՄՆ ազգային հետախուզության տնօրեն Թուլսի Գաբարդը X սոցիալական ցանցում։
Ինչպես նա ընդգծել է՝ «Իրանի միջուկային օբյեկտները ոչնչացվել են»։«Եթե իրանցիները վերակառուցեն դրանք, նրանք ստիպված կլինեն ամբողջությամբ վերակառուցել բոլոր երեք վայրերը՝ Նաթանզը, Ֆորդոն, Էսֆահանը, ինչը, հավանաբար, տարիներ կտևի», – ասել է Գաբարդը, որը համակարգում է ԱՄՆ բոլոր 18 հետախուզական գործակալությունները։
