ԱՄՆ պաշտպանության նախարար Փիթ Հեգսեթը հունիսի 26-ին մամուլի ասուլիս կանցկացնի՝ նվիրված Իրանի միջուկային օբյեկտներին ԱՄՆ ռազմական հարվածների արդյունքներին: Այս մասին հունիսի 25-ին հայտարարել է ԱՄՆ առաջնորդ Դոնալդ Թրամփը իր Truth Social էջում:
Նրա խոսքով՝ Մոսկվայի ժամանակով 15:00-ին կկայանա մամուլի ասուլիս՝ Պենտագոնի ղեկավարի և ամերիկյան ռազմական գերատեսչության այլ ներկայացուցիչների մասնակցությամբ։ Այն, ինչպես նշել է Թրամփը, նվիրված կլինի «հիանալի ամերիկացի օդաչուների արժանապատվության» պաշտպանությանը։Սա վերաբերում է ամերիկյան ռմբակոծիչների և կործանիչների օդաչուներին, որոնք մասնակցել են հունիսի 22-ի գիշերը Իրանի միջուկային օբյեկտներին (Ֆորդոյում, Նաթանզում և Սպահանում) հասցված հարվածներին։
Թրամփը կարծում է, որ ռազմական պաշտոնյաները «շատ վրդովված» էին լրատվամիջոցների այն հաղորդագրություններից, որ Իրանի վրա ԱՄՆ-ի հարվածները չեն կարողացել ոչնչացնել Իսլամական Հանրապետության միջուկային ծրագրի հիմնական բաղադրիչները։
