ԱՄՆ նախագահ Դոնալդ Թրամփը հայտարարել է, որ և՛ Իրանը, և՛ Իսրայելը խախտել են հրադադարը, և ինքը դժգոհ է երկու երկրներից էլ, հաղորդում է Reuters-ը։
«Թրամփն ասաց որ և՛ Իրանը, և՛ Իսրայելը խախտել են իր կողմից ժամեր առաջ հայտարարված հրադադարը, և որ ինքը դժգոհ է երկու երկրներից, մասնավորապես՝ Իսրայելից», - ասվում է գործակալության հայտարարության մեջ։
Reuters-ի փոխանցմամբ՝ Թրամփը նաև նշել է, որ Իսրայելը հարվածները սկսել է անմիջապես հրադադարի համաձայնությունից հետո։
Իսրայելը հունիսի 13-ի գիշերը գործողություն սկսեց Իրանի դեմ՝ մեղադրելով նրան գաղտնի ռազմական միջուկային ծրագիր իրականացնելու մեջ: Դիվերսիոն խմբերի կողմից օդային ռմբակոծությունների և ասպատակությունների թիրախներն էին միջուկային օբյեկտները, գեներալները, ականավոր միջուկային ֆիզիկոսները և ավիաբազաները:
Իրանը հերքել է մեղադրանքները և պատասխանել է սեփական հարձակումներով։ Երկու կողմերը 12 օր շարունակ փոխանակվել են հարվածներով, որոնց միացել է նաև ԱՄՆ-ը՝ հունիսի 22-ի գիշերը Իրանի միջուկային օբյեկտների վրա միանվագ հարձակում իրականացնելով։
