Խոսելով ԱՄՆ-ի կողմից Իրանի միջուկային օբյեկտներին հասցված հարվածների պատճառած վնասի մասին՝ Ռուսաստանի նախագահի մամուլի քարտուղար Դմիտրի Պեսկովն ասել է, որ դժվար թե որևէ մեկը դեռևս հստակ պատկերացում ունենա դրա մասին։
«Մենք դեռ պետք է վերլուծենք իրավիճակը տեղում՝ հասկանալու համար, թե որքան լուրջ է եղել վնասը։ Հավանական չէ, որ որևէ մեկը այս պահին հստակ պատկերացում ունենա», - լրագրողներին ասել է Պեսկովը՝ պատասխանելով այն հարցին, թե արդյոք Ռուսաստանը տվյալներ ունի այն մասին, թե որքանով են ԱՄՆ-ի հարվածները իրանական թիրախների վրա հետ մղել Իրանի միջուկային ծրագիրը։
