Սիրիան վերացրել է իր օդային տարածքում թռիչքների սահմանափակումները, որոնք փակ էին հունիսի 18-ից։ Որոշումն ուժի մեջ է մտել տեղական ժամանակով ժամը 10:00-ին, հայտնել է երկրի քաղաքացիական ավիացիայի վարչությունը։
«Օդային տարածքը վերաբացվել է նավարկության համար, որը վերադարձել է բնականոն ռեժիմի երեքշաբթի օրը՝ ժամը 10:00-ից, 2025 թվականի հունիսի 18-ից սահմանված սահմանափակումների վերացումից հետո», - ասվում է Սիրիայի կարգավորող մարմնի հայտարարության մեջ։
Սիրիան սահմանափակել է թռիչքները իր օդային տարածքում՝ Իսրայելի և Իրանի միջև հակամարտության ֆոնին, որոնք հունիսի 13-ից ի վեր փոխադարձ հարվածներ են հասցնում միմյանց։
Ավելի վաղ ԱՄՆ նախագահ Դոնալդ Թրամփը հայտարարել էր, որ Իսրայելն ու Իրանը համաձայնության են եկել զինադադարի շուրջ, որը ուժի մեջ կմտնի փուլ առ փուլ։ Երեքշաբթի առավոտյան ԱՄՆ վարչակազմի ղեկավարը հայտարարել էր, որ զինադադարն ուժի մեջ է մտել։
