Կատարը համագործակցում է իր գործընկերների, այդ թվում՝ Միացյալ Նահանգների հետ՝ Իրանի և Իսրայելի միջև հակամարտությունը լուծելու ուղիներ գտնելու համար, ճեպազրույցի ժամանակ հայտարարել է Կատարի վարչապետի խորհրդական և արտաքին գործերի նախարարության պաշտոնական խոսնակ Մաջիդ բին Մոհամմեդ ալ-Անսարին։
«Կատարը կապի մեջ է իր բոլոր գործընկերների, այդ թվում՝ Միացյալ Նահանգների, և միջազգային կազմակերպությունների հետ՝ հակամարտությունը լուծելու համար», – ասել է նա՝ անդրադառնալով Իսրայելի կողմից Իրանի վրա հարձակմանը։ Ալ-Անսարիի խոսքով՝ Կատարը նաև մտադիր է շարունակել համագործակցել հակամարտության անմիջական կողմերի՝ Իսրայելի և Իրանի հետ՝ «հասնելու այնպիսի լուծման, որը թույլ կտա իրական կարգավորում»։
«Մենք միշտ մասնակցել և ակտիվորեն ներգրավված ենք եղել Միացյալ Նահանգների և Իրանի միջև, որպես միջնորդ: Գրանցվել էր լուրջ առաջընթաց: Մենք դեռևս կարծում ենք, որ կա ցանկություն՝ համաձայնության հասնելու այս ճգնաժամը վերջ դնելու համար», – շարունակել է Կատարի արտաքին գործերի նախարարության խոսնակը։
