Հեռախոսազրույց են ունեցել Իրանի արտաքին գործերի նախարար Աբբաս Արաղչին և Պակիստանի արտաքին գործերի նախարար Մոհամմադ Իսհակ Դարը:
Պակիստանցի դիվանագետը խստորեն դատապարտել է Իրանի դեմ իսրայելական հարձակումները՝ մտահոգություն հայտնելով տարածաշրջանային կայունության և անվտանգության սպառնալիքի կապակցությամբ, որը կրում են նման գործողությունները:
Արաղչին էլ հայտարարել է, որ այդ հարձակումները Իրանի ինքնիշխանության և տարածքային ամբողջականության ակնհայտ խախտում են, ինչպես նաև ՄԱԿ-ի Կանոնադրության դրույթներից կոպիտ հրաժարում: Նա բարձր է գնահատել Պակիստանի աջակցությունը և Իսրայելի ագրեսիայի դատապարտումը:
Պակիստանի պաշտպանության նախարար Հավաջա Ասիֆն էլ հայտարարել է Իրանին աջակցելու մասին:
«Իսրայելը թիրախավորել է Եմենը, Իրանը և Պաղեստինը։ Եթե իսլամական աշխարհը հիմա չմիավորվի, մեզ բոլորիս նույն ճակատագիրն է սպասվում։ Պակիստանն աջակցում է Իրանին: Լռությունն այլևս տարբերակ չէ», - հայտարարել է պաշտոնյան։
Պակիստանում բողոքի ակցիա է անցկացվել, որի մասնակիցները երկրի բանակից պահանջել են հարված հասցնել Իսրայելին:
