Իսրայելը հարվածներ է հասցրել Իրանի ութ նահանգներում գտնվող առնվազն 60 վայրերի, հայտնել է Իրանի Կարմիր մահիկի ընկերությունը։
«Ներկայումս 134 թիմ, այդ թվում՝ 669 փրկարար, օգնություն են ցուցաբերում Իրանի ութ նահանգներում տուժած ավելի քան 60 վայրերում։ Դրանք են՝ Թեհրան , Արևելյան Ադրբեջան, Արևմտյան Ադրբեջան, Սպահան, Իլամ, Քերմանշահ, Մարկազի, Համադան, Խուզեստան, Քուրդիստան նահանգները», - ասվում է հայտարարության մեջ։
Հունիսի 13-ի գիշերը Իսրայելի պաշտպանության ուժերը (IDF) սկսեցին «Վերելք առյուծ» անվամբ լայնածավալ գործողություն, որի շրջանակներում ռազմաօդային ուժերը հարվածներ են հասցնում Իրանի միջուկային ծրագրի ռազմական թիրախներին և վայրերին: Իսրայելի իշխանությունները հայտարարել են, որ գործողության նպատակն էր կանխել հրեական պետության գոյության սպառնալիքը, քանի որ, ըստ իսրայելական զինվորականների և հետախուզության, Իրանը կարճ ժամանակում մոտենում է միջուկային զենք մշակելու «անդարձելի կետին»:
