Բելառուսի նախագահ Ալեքսանդր Լուկաշենկոն շնորհավորել է իր գործընկեր Վլադիմիր Պուտինին Ռուսաստանի օրվա կապակցությամբ, հաղորդում է «ՌԻԱ Նովոստի»-ն ։
Իր շնորհավորանքում Լուկաշենկոն ընդգծել է երկու երկրների միջև դաշինքի և ռազմավարական գործընկերության կենսական նշանակությունը։
«Միջազգային ասպարեզում ձեր երկիրը վճռականորեն պաշտպանում է ազգային շահերը, հանդես է գալիս որպես նոր, ոչ խտրական աշխարհակարգի հաստատման և պետական ինքնիշխանության հարգման շարժման առաջնորդ։ Ռուսները այսօր, ինչպես բոլոր ժամանակներում, միավորվել են Հայրենիքն ավելի ուժեղ, անկախ և բարգավաճ դարձնելու ցանկության մեջ», - նշել է Լուկաշենկոն։
Նա հավելել է, որ Բելառուսը մեծ նշանակություն է տալիս Ռուսաստանի հետ դաշնակցային և ռազմավարական գործընկերային հարաբերությունների զարգացմանը, որը հիմնված է «հոգևոր մտերմության և պատմական ընդհանուր ճակատագրերի, երկու երկրների ժողովուրդների եղբայրական բարեկամության և բարիդրացիության ամուր ավանդույթների» վրա։
