Նյու Յորքի դատարանն ավարտել է նախկին հոլիվուդյան պրոդյուսեր Հարվի Վայնշտեյնի դեմ բռնաբարության գործի վերանայումը և նրան կրկին մեղավոր է ճանաչել, հաղորդում է Reuters-ը։
2020 թվականի փետրվարին Վայնշտեյնը դատապարտվել է 23 տարվա ազատազրկման։ Ժյուրին նրան մեղավոր է ճանաչել երկու մեղադրանքով՝ 2013 թվականին բռնաբարության և 2006 թվականին հարկադրական մտերմության համար։ Անցյալ տարվա ապրիլին դատարանը չեղյալ է հայտարարել դատավճիռը՝ դատավարության ընթացքում թույլ տրված խախտումների պատճառով։
Այսօր ժյուրին վճիռ է կայացրել 2006 թվականի դրվագի վերաբերյալ։ Երկրորդ դրվագի վերաբերյալ որոշումը կկայացվի հունիսի 12-ին։
Պրոդյուսերն ինքը բանտում է, քանի որ 2023 թվականի փետրվարին նրան դատապարտել են ևս 16 տարվա ազատազրկման՝ 2013 թվականին Լոս Անջելեսից մի դերասանուհու բռնաբարելու մեղադրանքով։ Ենթադրյալ զոհի անունը հայտնի չէ։
Այս տարվա փետրվարին հայտնի դարձավ, որ Հարվի Վայնշտեյնը դատական հայց է ներկայացրել իր եղբոր՝ Բոբի և The Weinstein Company-ի մեկ այլ ղեկավար Դեյվիդ Գլասերի դեմ։ Պրոդյուսերը մեղադրել է իր նախկին գործընկերներին խարդախության մեջ և պնդել, որ իր եղբայրը, իբր, ստիպել է իրեն ստանձնել 45 միլիոն դոլարի վարկի պատասխանատվությունը՝ Վայնշտեյնի ստուդիան սնանկացումից հետո փրկելու համար, սակայն գումարը, իբր, յուրացվել է Գլասերի և Բոբ Վայնշտեյնի կողմից։
Թարգմանությունը՝ Euromedia24.com-ի
