ՀԱՄԱՍ-ի ղեկավար Յահյա Սինվարը, ով ոչնչացվել է Իսրայելի հարձակումների արդյունքում, խոչընդոտ է հանդիսացել Մերձավոր Արևելքում հրադադարի հաստատմանը, իր կարծիքն է հայտնել ԵՄ արտաքին քաղաքականության պատասխանատու Ժոզեպ Բորելը X սոցիալական ցանցում։
«Նա խոչընդոտ էր հրադադարի հաստատմանը»,- գրել է քաղաքական գործիչը։
Բորելը նաև հիշեցրել է, որ Սինվարը եղել է ԵՄ ահաբեկչական ցուցակում։
Հինգշաբթի ավելի վաղ Իսրայելի պաշտպանության բանակը (IDF) պաշտոնապես հաստատել է Գազայի հատվածում պաղեստինյան ՀԱՄԱՍ շարժման ղեկավար Յահյա Սինվարի լիկվիդացումը։ Զինվորականների տվյալներով՝ Սինվարը վերացվել է հոկտեմբերի 16-ին։
