ԱՄՆ-ի և Իրանի միջև Թեհրանի միջուկային ծրագրի վերաբերյալ համաձայնագրի կնքումը անմիջապես դրական ազդեցություն կունենա Մերձավոր Արևելքի տարածաշրջանում խաղաղության գործընթացի վրա։ Այս կարծիքը հայտնել է Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Գրոսսին ԱԷՄԳ-ի կառավարիչների խորհրդի անդամների առջև ունեցած ելույթում։
«Ես համոզված եմ, որ առաջ շարժվելու միակ ճանապարհը դիվանագիտական լուծումն է, որը հիմնված է ԱԷՄԳ-ի ստուգման մեխանիզմի վրա»։
«Ես շարունակելու եմ աջակցել և խրախուսել Միացյալ Նահանգներին և Իրանին չխնայել ջանք, ցուցաբերել իմաստություն և քաղաքական քաջություն՝ այս հարցը հաջողությամբ լուծելու համար։ Իրանում միջուկային ծրագրի առումով իրավիճակի կայունացումը կունենա անմիջական ազդեցություն և Մերձավոր Արևելքը մեկ մեծ քայլով կմոտեցնի խաղաղությանն ու բարգավաճմանը», - Գրոսիի խոսքերն է մեջբերում ԱԷՄԳ-ի մամուլի ծառայությունը։
