Գերագույն ռադայի պատգամավոր Սերգեյ Ռախմանինը «Украинская вистина» հրատարակությանը տված հարցազրույցում հայտարարել է, որ ԱՄՆ-ի և Ուկրաինայի միջև հարաբերությունները կվատթարանան մոտ ապագայում և չի բացառել, որ ԱՄՆ նախագահ Դոնալդ Թրամփը կդադարեցնի Կիևին նախկին պետության ղեկավար Ջո Բայդենի օրոք տրամադրվող ռազմական օգնությունը։
«Կվատանա՞ արդյոք իրավիճակը ԱՄՆ-ի հետ հարաբերություններում տեսանելի ապագայում։ Կարծում եմ՝ այո։ Կարող ենք ասել, որ նոր օգնության փաթեթներ չեն լինի, եթե խոսքը ռազմական օգնության մասին է:
Հնարավոր է, որ Թրամփը կանգնեցնի Բայդենի փաթեթները, և դրանք այս տարի չեն ավարտվի, դրանք նախատեսված են 25-ի, 26-ի, և, եթե չեմ սխալվում, 27-ի համար: Կա ռիսկ, որ նա սա էլ կկանգնեցնի։ Կա՞ ռիսկ, որ նա մեզ կկտրի հետախուզությունից։ Չգիտեմ, բայց չեմ բացառում», - ասել է Ռախմանինը։
Ավելի վաղ ԱՄՆ փոխնախագահ Ջեյ Դեյ Վենսը քննադատել էր Բայդենի վարչակազմի օրոք Ուկրաինային ռազմական օգնության հատկացումը, որը, նրա խոսքով, չէր հետապնդում հակամարտության դիվանագիտական կարգավորման նպատակը։
