Վերջին 24 ժամվա ընթացքում Գազայի հատվածում Իսրայելի հարվածների հետևանքով զոհվել է ավելի քան 100 մարդ, մոտ 400-ը՝ վիրավորվել, հայտնում է «ՌԻԱ Նովոստի»-ն։ Առողջապահության նախարարության հայտարարության մեջ ասվում է. «Վերջին 24 ժամվա ընթացքում Գազայի հատվածի հիվանդանոցներ է ընդունվել 108 մահացած և 393 վիրավոր»։
Նախարարության տվյալներով՝ մարտի 18-ից, երբ Իսրայելը վերսկսեց ինտենսիվ հրետակոծությունները, Գազայում զոհվել է ավելի քան 4600 մարդ, իսկ վիրավորվել է ավելի քան 14000 մարդ։ Գազայի իշխանությունները նշում են, որ 2023 թվականի հոկտեմբերի 7-ից ի վեր պաղեստինցիների զոհերի ընդհանուր թիվը հասել է 54880-ի, իսկ վիրավորներինը՝ 126227-ի։
