Իսրայելը մարդասիրական օգնության համար 50 բեռնատար է թույլատրել դեպի հյուսիս Գազայի հատված

17.10 10:35 | Կատեգորիա Համաշխարհային

Իսրայելի իշխանությունները հումանիտար օգնություն տեղափոխող 50 բեռնատարների թույլատրել են Գազայի հյուսիս մտնել՝ սպառազինության մատակարարումը սահմանափակելու ԱՄՆ սպառնալիքից հետո:
Այս մասին հայտնում է The Times of Israel թերթը։
Իսրայելը թույլատրեց 50 բեռնատար մարդասիրական օգնություն մուտք գործել Գազայի հատված՝ մի քանի ժամ անց այն բանից հետո, երբ Միացյալ Նահանգները հաստատեց, որ Վաշինգտոնի շարունակական առաքումները վտանգի տակ են, եթե իսրայելական իշխանությունները 30 օրվա ընթացքում լուրջ քայլեր չձեռնարկեն Գազայի հատվածում աճող հումանիտար ճգնաժամը լուծելու համար:
Պարբերականը վկայակոչում է Պաղեստինյան տարածքներում Իսրայելի կառավարության գործունեության համակարգման գրասենյակի (COGAT) տվյալները, որոնց համաձայն Հորդանանից 50 բեռնատարներում տեղափոխվել է սննդամթերք, ջուր, դեղորայք և ժամանակավոր կացարանների համար նախատեսված պարագաներ։ COGAT-ը հավաստիացրել է, որ Իսրայելը «կշարունակի հեշտացնել մարդասիրական օգնության մուտքը Գազա», նշում է The Times of Israel-ը։
Ավելի վաղ ԱՄՆ Պետդեպարտամենտի մամուլի ծառայության ղեկավար Մեթյու Միլլերը լրագրողների համար հերթական ճեպազրույցում հաստատել էր, որ պետքարտուղար Էնթոնի Բլինկենը և պաշտպանության նախարար Լլոյդ Օսթինը նամակ են ուղարկել իրենց իսրայելցի գործընկերներին, որտեղ պահանջել են «30 օրվա ընթացքում. կոնկրետ միջոցներ ձեռնարկել »՝ բարելավելու հումանիտար իրավիճակը պաղեստինյան անկլավում։

Ամենաշատ կարդացվածներ

Սամվել Կարապետյանին ոչ թե որպես վտանգ ներկայացնել է պետք, այլ` հայրենանվեր մարդու օրինակ դարձնելով սերունդներ դաստիարակել. Ռուբեն Հայրապետյան

18.06 21:41 | Կատեգորիա Քաղաքական

Լրահոս

20:30

Ըստ նոր սոց. հարցումների՝ հարցվածների շուրջ 88% Արցախի կորուստը համարում է ժամանակավոր. Խաչիկյան (տեսանյութ)

20:22 Կարևոր