Պարագվայը, որը Հարավային Ամերիկայի միակ երկիրն է, որը ճանաչում է Թայվանը, հարթակ է առաջարկում կղզու ղեկավարության հետ ԱՄՆ-ի կամ Ճապոնիայի բանակցությունների համար։ Այս մասին «The Japan Times» թերթին տված հարցազրույցում հայտարարել է Հանրապետության նախագահ Սանտյագո Պենյան։
«Աշխարհում շատ տեղեր չկան, որտեղ կարող են հանդիպել Թայվանի նախագահը և մեր լավ ընկերները հանդիսացող այլ երկրների առաջնորդները,
մենք պատրաստ ենք աջակցել Թայվանին և լինել նրա ամուր դաշնակիցը»,-նշել է լատինաամերիկյան պետության ղեկավարը։
«Ես ԱՄՆ նախագահին ասացի, որ եթե նա երբևէ ցանկանա հանդիպել Թայվանի նախագահի հետ, կարող է դա անել Պարագվայում», - հավելել է Պենյան։
Նա նաև նշել է, որ իր երկիրը պատրաստ է նպաստել Թայվանի և Ճապոնիայի միջև երկխոսությանը։ Ըստ The Japan Times-ի, Թայբեյի և Տոկիոյի բարձրաստիճան պաշտոնյաները մայիսին արդեն հանդիպել են Թայվանի մայրաքաղաքում գտնվող Պարագվայի դեսպանատանը։
