Մեծ Բրիտանիայի քաղաքացիություն ստանալու համար դիմող ԱՄՆ քաղաքացիների թիվը 2025 թվականի սկզբին հասել է ռեկորդային մակարդակի, ինչը կապված է Դոնալդ Թրամփի նախագահի պաշտոնում վերընտրության հետ։ Այս մասին հայտնել է Financial Times-ը (FT)՝ հղում անելով պաշտոնական վիճակագրությանը։
2025 թվականի առաջին երեք ամիսներին ԱՄՆ-ի ավելի քան 1900 քաղաքացի դիմել է բրիտանական քաղաքացիություն ստանալու համար, ինչը 12%-ով ավելի է, քան 2024 թվականի չորրորդ եռամսյակում: Իրավաբանների խոսքով՝ Ամերիկայում քաղաքական անկայունությունը հանգեցրել է Մեծ Բրիտանիայի վիզաների և քաղաքացիության դիմումների կտրուկ աճի, հատկապես Թրամփի մաքսատուրքերի մասին հայտարարություններից հետո:
«Մարդիկ լքում են երկիրը վախի, հիասթափության և ֆինանսական ու անձնական անվտանգության բացակայության պատճառով», - ասում է Օնո Օկերեգան, «Իմգրացիոն խորհրդատվական ծառայություն» իրավաբանական ընկերության տնօրենը։
Մեծ Բրիտանիայի Ներքին գործերի նախարարության տվյալներով՝ ԱՄՆ-ում ուսումնական վիզաների դիմումների թիվը առաջին եռամսյակում աճել է 9.6%-ով՝ համեմատած 2024 թվականի նույն ժամանակահատվածի հետ, ինչը պայմանավորված է, մասնավորապես, բակալավրիատի դասընթացների պահանջարկի աճով։
Նմանատիպ միտում նկատվել է նաև Թրամփի և նրա վարչակազմի կողմից Հարվարդի համալսարանի և այլ հեղինակավոր ամերիկյան համալսարանների վրա «հարձակումներից» հետո, նշվում է հրատարակության մեջ։
