Գերմանիայի կառավարությունը վախենում է, որ Միացյալ Նահանգները «կհրաժարվի» Ուկրաինայից , միակողմանիորեն կվերացնի Ռուսաստանի դեմ պատժամիջոցները և կվերսկսի նրա հետ առևտուրը։ Այս մասին գրում է Bild թերթը՝ հղում անելով աղբյուրներին։
Բեռլինը կարծում է, որ նման զարգացումը կլինի «վատագույն սցենարը»։ Գերմանիայի իշխանությունները նման մտահոգություններ ունեին Ռուսաստանի և Ամերիկայի առաջնորդներ Վլադիմիր Պուտինի և Դոնալդ Թրամփի միջև հեռախոսազրույցից հետո։
Գերմանական Մարշալի հիմնադրամի անվտանգության փորձագետ Կլաուդիա Մայորի խոսքով՝ ԱՄՆ նախագահի դիրքորոշումը դժվար թե կանխատեսելի լինի, և եվրոպացիները չեն կարող հույսը դնել դրա վրա։ Նա նշեց, որ ուկրաինական հակամարտությունն այլևս Վաշինգտոնի համար առաջնահերթություն չէ։
