Թուրքիայի նախագահ Ռեջեփ Թայիփ Էրդողանը չի բացառել, որ մոտ ժամանակներս կարող է մեկնել ԱՄՆ և այնտեղ հանդիպել ամերիկացի առաջնորդ Դոնալդ Թրամփի հետ։ Այս մասին նա ասել է Հունգարիայից վերադառնալուն պես լրագրողների հետ զրույցում։
«Մենք լավ հարաբերություններ ունենք ոչ միայն պարոն Թրամփի, այլ նաև շատ առաջնորդների հետ: Հավանաբար, ես կկարողանամ այցելել Ամերիկա: Կարծում եմ, որ մենք հնարավորություն կունենանք այնտեղ դեմ առ դեմ հանդիպել պարոն Թրամփին: Թուրք-ամերիկյան հարաբերություններն այնքան էլ կարևոր չեն, որքան ոմանք կարող են մտածել: Պարոն Թրամփի կարծիքը Թուրքիայի մասին շատ դրական է:
Իսկ ԱՄՆ-ի մասին մեր կարծիքը համընկնում է։ Մենք ամուր հարաբերություններ ունենք՝ հիմնված փոխադարձ հարգանքի և անկեղծության վրա»,- Էրդողանի խոսքը մեջբերում է Anadolu լրատվական գործակալությունը։
