Բոլոր կողմերը շահագրգռված են, որ Ռուսաստանի և Ուկրաինայի միջև գերիների փոխանակումը հնարավորինս արագ տեղի ունենա, լրագրողներին ասել է ՌԴ նախագահի մամուլի քարտուղար Դմիտրի Պեսկովը։
«Սա բավականին աշխատատար խնդիր է, բնականաբար, այնտեղ կոնկրետ անունների փոխանակման աշխատանքներ են տարվում, քանի որ խոսքը հազարի մասին է հազարի դիմաց, ապա, իհարկե, սա որոշակի ժամանակ է պահանջում։
Այս աշխատանքը շարունակվում է, բայց, կրկնում եմ, բավականին արագ։ Բոլորը շահագրգռված են դա անել հնարավորինս արագ», - ասել է նա՝ պատասխանելով այն հարցին, թե արդյոք այս շաբաթ տեղի կունենա գերիների փոխանակում:
1000-ը 1000-ի դիմաց գերիների փոխանակման մասին պայմանավորվածություն է ձեռք բերվել Ռուսաստանի և Ուկրաինայի միջև վերջին երեք տարվա առաջին բանակցությունների ժամանակ:
