Ուկրաինայի խաղաղ գործընթացում ԱՄՆ-ի ներգրավվածության պահպանումը կանցլեր Ֆրիդրիխ Մերցի օրոք Գերմանիայի կառավարության արտաքին քաղաքականության առաջնահերթություններից է: Այդ նպատակով նա առաջարկել է այդ հարցով տեխնիկական հանդիպում անցկացնել եվրոպական երկրների եւ ԱՄՆ-ի միջեւ, գրում է Bild թերթը։
Այս առաջարկը նա արել է մայիսի 19-ին ԵՄ-ի, Ֆրանսիայի, Իտալիայի, Ֆինլանդիայի և Գերմանիայի ղեկավարների և ԱՄՆ նախագահ Դոնալդ Թրամփի հեռախոսազրույցի ժամանակ։
Երբ Թրամփը զրույցի ժամանակ հասկացրեց, որ Վաշինգտոնը դուրս է գալիս խաղաղ գործընթացից, քանի որ Ռուսաստանն ու Ուկրաինան ուղիղ բանակցություններ են վարելու, «բոլորը շունչը պահեցին», թերթը նկարագրում է եվրոպացի առաջնորդների արձագանքը։ Նրանք չէին համարձակվում Թրամփին հարցնել, թե կոնկրետ ինչ նկատի ուներ նա դրանով, քանի որ մտավախություն ունեին, որ նա կհայտարարի Ուկրաինային ԱՄՆ աջակցության ամբողջական դադարեցման մասին։
Թրամփի` խաղաղ գործընթացից դուրս չգալը Ֆրիդրիխ Մերցի արտաքին քաղաքական կարեւորագույն նպատակներից մեկն է»,- գրում է թերթը՝ վկայակոչելով կառավարական շրջանակների աղբյուրները։
