Ավելի քան 80 մարդ է զոհվել և ավելի քան 260-ը վիրավորվել Գազայի հատվածին իսրայելական հարվածների հետևանքով վերջին 24 ժամվա ընթացքում, չորեքշաբթի հայտնել է Պաղեստինի Առողջապահության նախարարությունը։
«Վերջին 24 ժամվա ընթացքում Գազայի հատվածի հիվանդանոցներ են տեղափոխվել 82 զոհվածների և 262 վիրավորների մարմիններ»,- ասվում է առողջապահության նախարարության հաղորդագրության մեջ, որը հրապարակվել է սոցիալական ցանցերում։
Պաղեստինցի բժիշկների խոսքով՝ տուժածները դեռևս մնացել են փլատակների տակ, իսկ շտապօգնության և քաղաքացիական պաշտպանության խմբերը չեն կարողանում հասնել նրանց։
Գազայի հատվածի առողջապահության նախարարության վիճակագրության համաձայն՝ մարտի 18-ից, երբ Իսրայելը վերսկսել է հրթիռակոծությունը, Գազայում զոհվել է ավելի քան 3500 մարդ, վիրավորվել՝ ավելի քան 9900-ը։
