Մոսկվայի «Շերեմետևո», «Դոմոդեդովո» և «Ժուկովսկի» օդանավակայաններում վերացվել են ինքնաթիռների ժամանման և մեկնման սահմանափակումները։ Այս մասին «Ռոսավիացիայի» ներկայացուցիչ Արտեմ Կորենյակոն հայտնել է իր Telegram ալիքում։
Նրա խոսքով՝ սահմանափակումները մտցվել են քաղաքացիական ինքնաթիռների թռիչքների անվտանգությունն ապահովելու համար։
Ժամը 13:02 Կորենյակոն հայտնել է, որ «Դոմոդեդովո» և «Ժուկովսկի» օդանավակայանները ժամանակավորապես չեն ընդունում և չեն ուղարկում թռիչքներ։ Ժամը 13:26-ին նա ժամանակավոր սահմանափակումներ է հայտարարել Շերեմետևո օդանավակայանում։
Մայիսի 21-ին սահմանափակումներ են մտցվել Վլադիմիրի, Իվանովոյի և Կալուգայի օդանավակայաններում։ Բոլոր երեք օդանավակայանները դադարեցրել են միաժամանակ ընդունել և ուղարկել ինքնաթիռներ՝ Վլադիմիր՝ Մոսկվայի ժամանակով 11:37-ից, Իվանովո՝
Մոսկվայի ժամանակով 11:52-ից, Կալուգա՝ Մոսկվայի ժամանակով 11:35-ից:
