Ուկրաինան պատրաստվում է ԵՄ-ին ներկայացնել 40 էջանոց առաջարկ, որով պահանջում է ուժեղացնել Ռուսաստանի դեմ պատժամիջոցները՝ հատկապես այն դեպքում, եթե ԱՄՆ նախագահ Դոնալդ Թրամփը հրաժարվի նոր սահմանափակումներ կիրառել։
Նոր «սպիտակ գրքում» Կիևը կոչ է անում ԵՄ-ին առգրավել սանկցիայի տակ գտնվող ռուս միլիարդատերերի ակտիվները և փոխանցել դրանք Ուկրաինային։ Առաջարկվում է նաև կիրառել «երկրորդային պատժամիջոցներ» այն երկրների նկատմամբ, որոնք գնում են ռուսական նավթ՝ ներառյալ Հնդկաստանը և Չինաստանը։ Սա կհամարվի պատժամիջոցային ամենախիստ քայլերից մեկը, որին Եվրամիությունը մինչ այժմ խուսափել էր դիմել։
Թեև Թրամփը խոստացել էր օգնել Ուկրաինային, նրա վերջին հեռախոսազրույցից հետո պարզ դարձավ՝ նա չի պատրաստվում այս փուլում նոր պատժամիջոցներ կիրառել։ Փոխարենը, Եվրոպական երկրները որոշեցին շարունակել ճնշումները՝ անկախ Վաշինգտոնի դիրքորոշումից։Ուկրաինան հստակ նախազգուշացնում է, որ ԱՄՆ-ի հնարավոր դուրս գալը ընդհանուր պատժամիջոցային ռազմավարությունից կարող է մեծ հարված լինել ԵՄ միասնականությանը։ Սակայն Կիևը միաժամանակ կոչ է անում ԵՄ-ին առաջատարի դեր ստանձնել և չթուլացնել ճնշումը Մոսկվայի վրա՝ անկախ ամերիկյան աջակցության առկայությունից, փոխանցում է Reuters-ը:
