Ճապոնիայի գյուղատնտեսության, անտառային տնտեսության և ձկնաբուծության նախարար Տակու Էտոն հրաժարական է տվել՝ բրնձի մասին իր արած մեկնաբանությունների հետ կապված լուրջ հակասությունների պատճառով, որոնք արժանացել են հասարակության սուր քննադատությանը:Իր որոշման մասին լրագրողներին հայտնել է ինքը՝ քաղաքական գործիչը։ Kyodo լրատվական գործակալության փոխանցմամբ՝ թափուր պաշտոնը կզբաղեցնի բնակչության շրջանում սիրված երիտասարդ քաղաքական գործիչ, նախկին վարչապետ Ջունիչիրո Կոիզումիի որդին՝ Սինջիրո Կոիզումին։
Վարչապետ Շիգերու Իշիբայի թիմում, որը իշխանության է եկել 2024 թվականի աշնանը, Կոիզումին գլխավորել է Լիբերալ-դեմոկրատական կուսակցության (LDP) ընտրական հանձնաժողովը, սակայն հրաժարական է տվել խորհրդարանի ստորին պալատի արտահերթ ընտրություններում կուսակցության աղետալի ելույթից հետո։ Անցյալ շաբաթավերջին Էտոյի շուրջ աղմկահարույց սկանդալ բռնկվեց, երբ միջոցառումներից մեկում նա կատակով ասաց, որ բրինձ չի գնում, քանի որ իր ընտանիքն այն ստանում է այնպիսի քանակությամբ, որ «ժամանակն է նույնիսկ վաճառել»։
7PausedՃապոնական սննդակարգում այս հիմնական սննդամթերքի գների աճի ֆոնին քաղաքական գործչի հայտարարությունը սուր քննադատություն առաջացրեց սոցիալական ցանցերում, այնուհետև ընդդիմության և նույնիսկ անձամբ վարչապետի կողմից:
