Ռուսաստանի արտգործնախարար Սերգեյ Լավրովը մայիսի 25-27-ը Մոսկվա կատարելիք այցի ընթացքում բանակցություններ կվարի Թուրքիայի արտգործնախարարի հետ։ Կողմերը կքննարկեն իրավիճակը Սիրիայում, Լիբիայում, Սևծովյան տարածաշրջանում և ամենաբարձր և բարձր մակարդակներով շփումների ժամանակացույցը, ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Մայիսի 25-27-ը Թուրքիայի արտգործնախարար Հաքան Ֆիդանը աշխատանքային այցով կմեկնի Մոսկվա: Նախատեսվում են բանակցություններ ՌԴ արտգործնախարար Սերգեյ Լավրովի հետ»,- ճեպազրույցում ասել է նա։
«Արտաքին քաղաքականության գերատեսչությունների ղեկավարները կարծիքներ կփոխանակեն տարածաշրջանային հարցերի շուրջ՝ շեշտը դնելով Սիրիայում, Լիբիայում, Անդրկովկասում և Սևծովյան տարածաշրջանում տիրող իրավիճակի վրա»,- պարզաբանել է նա՝ հավելելով, որ կողմերը կդիտարկեն նաև բարձր և բարձր մակարդակներով շփումների ժամանակացույցը։
