Պաղեստինյան ՀԱՄԱՍ շարժման և Իսրայելի միջև Գազայի հատվածում հակամարտության կարգավորման շուրջ խորհրդակցությունների մի քանի փուլերը, որոնք տեղի են ունեցել Դոհայում, չեն հանգեցրել կողմերի դիրքորոշումների մերձեցման։ Այս մասին հայտարարել է կառավարության ղեկավար, Կատարի արտաքին գործերի նախարար շեյխ Մուհամեդ բին Աբդուլ Ռահման Ալ Թանին։
«Վերջին մի քանի շաբաթների ընթացքում Դոհայում տեղի ունեցած բանակցությունների փուլերը, ցավոք, դեռ ոչ մի բանի չեն հանգեցրել, քանի որ երկու կողմերի միջև հիմնարար անջրպետ կա», - ասել է նա՝ ելույթ ունենալով Կատարի տնտեսական ֆորումում:
«Մի կողմը ձգտում է հասնել մասնակի գործարքի, որը կարող է հանգեցնել համապարփակ համաձայնության, իսկ մյուս կողմը ձգտում է միանվագ գործարքի` պատերազմը դադարեցնելու և բոլոր պատանդներին ազատելու համար», - բացատրել է Կատարի վարչապետը:
«Մենք չկարողացանք հաղթահարել այս հիմնարար բացը, չնայած մեր կողմից առաջադրված բոլոր առաջարկներին, հատկապես հաշվի առնելով անցյալի փորձը, երբ առաջին գործարքը ձախողվեց», - շարունակել է Մուհամմեդ բեն Աբդուլ Ռահման Ալ Թանին:
