Վենեսուելայի նախագահ Նիկոլաս Մադուրոն ողջունել է Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի հեռախոսազրույցը։ Այս մասին հայտարարել է Բոլիվարիայի Հանրապետության արտաքին գործերի նախարար Իվան Գիլ Պինտոն։
«Վենեսուելայի Բոլիվարական Հանրապետության նախագահ Նիկոլաս Մադուրոն ողջունում է Ռուսաստանի Դաշնության նախագահ Վլադիմիր Պուտինի և Միացյալ Նահանգների նախագահ Դոնալդ Թրամփի զրույցը, որի ընթացքում նրանք քննարկել են Ուկրաինայում խաղաղության հասնելու ծրագրի իրականացման սկիզբը», – գրել է ԱԳՆ ղեկավարը Telegram-ի իր ալիքում։
Նա ընդգծել է, որ Վենեսուելայի առաջնորդը կողմ է, որ հակամարտության խաղաղ կարգավորման առաջին քայլը «դառնա ելակետ արդար և կայուն խաղաղության ճարտարապետության ստեղծման համար, որը լիովին երաշխավորում է համապարփակ անվտանգությունը և վերացնում ցանկացած սպառնալիք կամ թշնամական գործողություն Ռուսաստանի Դաշնության դեմ»։
