Ճապոնիայի վարչապետ Շիգերու Իշիբան ներողություն է խնդրել գյուղատնտեսության, անտառային տնտեսության և ձկնաբուծության նախարար Տակու Էտոյի համար, ով անպատշաճ մեկնաբանություններ է արել բրնձի մասին՝ հիմնական սննդամթերքի բարձր գների համատեքստում։
«Չափազանց խնդրահարույց է, որ նման հայտարարություններն արվել են այն ժամանակ, երբ սպառողները չափազանց զայրացած և անհանգստացած են», - վարչապետի խոսքերն է մեջբերում Kyodo գործակալությունը։ Իշիբան ներողություն է խնդրել իր ենթակայից՝ ընդգծելով, որ մոտ ապագայում անձամբ կհանդիպի նրա հետ՝ անձամբ Էտոյից լսելու ներկա իրավիճակի բացատրությունը։
Հանգստյան օրերին, ելույթ ունենալով իշխող Լիբերալ-դեմոկրատական կուսակցության համար դրամահավաքի ժամանակ՝ Տակու Էտոն կատակել է, որ ինքը չի գնում սպիտակ բրինձ, քանի որ իր ընտանիքն այնքան է ստանում դրանից, «որ ժամանակն է այն վաճառելու»:
Այս խոսքերը սուր քննադատություն են առաջացրել սոցցանցերի ճապոնական հատվածում։ Էտոն լրագրողներին մեկնաբանելով իրավիճակը՝ նշել է, որ սխալ է արտահայտվել։
«Ես ուզում էի հայտարարություն անել՝ խրախուսելու մարդկանց ավելի շատ շագանակագույն բրինձ գնել, բայց սխալ արտահայտվեցի, չափազանց ցավում եմ, որ իմ ոչ ճիշտ ձևակերպված հայտարարությունները մեծ աղմուկ են բարձրացրել»,- հավելել է նա։
