Հնդկաստանի Գյուղատնտեսության և ֆերմերների բարեկեցության հարցերով պետական նախարար Բհագիրաթ Չաուդհարին խստորեն քննադատել է Ադրբեջանին և Թուրքիային Պակիստանին աջակցելու համար։«Երկրում զայրույթ կա ահաբեկչության և դրան աջակցողների նկատմամբ։ Թուրքիան բացահայտորեն իր աջակցությունն է հայտնել (Պակիստանին)։ Բոլոր ոլորտներից, այդ թվում՝ մարմարի և գրանիտի արդյունաբերության ոլորտներից, կոչեր են հնչում՝ բոյկոտելու ահաբեկչությանն աջակցող բոլոր երկրներին», - ANI-ին ասել է Չաուդհարին։
Նախարարը նաև նշել է, որ համապատասխան միջոցառումներ են ձեռնարկվել նաև առևտրի ոլորտում։«Ադրբեջանի և Թուրքիայի հետ առևտուրը դադարեցվել է։ CAIT-ում երեք որոշում է կայացվել։ Նախ և առաջ, մենք ոչինչ չենք ներմուծելու կամ արտահանելու։ Երկրորդ, մենք դեմ ենք դեպի Թուրքիա զբոսաշրջությանը։ Երրորդ՝ ազգային մակարդակով ռեժիսորները, պրոդյուսերները և կինոգործիչները չպետք է ֆիլմեր նկարահանեն Թուրքիայում կամ Ադրբեջանում», - հավելել է նա։
