Բաղդադում 34-րդ գագաթնաժողովից հետո Արաբական երկրների լիգայի ղեկավարները կոչ են արել դադարեցնել ռազմական գործողությունները Գազայի հատվածում և վերսկսել այնտեղ մարդասիրական օգնության առաքումը: Փաստաթղթից հատվածներ է տարածել իրաքյան INA լրատվական գործակալությունը։
«Մենք վճռականորեն մերժում ենք պաղեստինցիներին բռնի տեղահանելու փորձերը և կարծում ենք, որ մարդասիրական օգնությունը պետք է շտապ հասցնել Գազա: Մենք կոչ ենք անում միջազգային հանրությանը ճնշում գործադրել [Իսրայելի վրա], որպեսզի արյունահեղությունը դադարեցվի անկլավում»,- նշել են Արաբական լիգայի երկրների ղեկավարները։
Բաղդադի հանդիպման մասնակիցները նաև ընդգծել են Գազայի հետ սահմանի «բոլոր անցումները բացելու համակարգված գործողությունների» կարևորությունը և աջակցել Գազայի վերականգնման ծրագրին, որը հաստատվել է մարտի 4-ին Արաբական լիգայի արտակարգ գագաթնաժողովում և հետագայում աջակցվել Իսլամական համագործակցության կազմակերպության կողմից:
Իսրայելի վարչապետ Բենիամին Նեթանյահուն մարտի 2-ին հայտարարեց Գազայի հատված հումանիտար մատակարարումների դադարեցման և բոլոր անցակետերի փակման մասին։
