Ֆրանսիայի նախագահ Էմանուել Մակրոնը Գազայում Իսրայելի ռազմական գործողությունները քննադատելուց հետո ուղիղ պատասխան չի տվել լրագրողի այն հարցին, թե պատրաստվում է արդյոք «նույն պատժամիջոցները կիրառել Իսրայելի դեմ, ինչ Ռուսաստանի դեմ»։
Հարցը նրան տրվել է Ալբանիայի մայրաքաղաք Տիրանայում կայացած Եվրոպական քաղաքական համայնքի գագաթնաժողովին հաջորդած մամուլի ասուլիսում։
Իր պատասխանում պետության ղեկավարը երբեք չի հիշատակել «պատժամիջոցներ» բառը՝ նշելով միայն, որ դա «միանգամայն ճիշտ հարց է» և «առաջիկա շաբաթների ընթացքում կբարձրացվի»։
Միևնույն ժամանակ նա խոստացել է «մոտ օրերս» կենտրոնանալ Գազայի հատվածում հրադադարի վերականգնման և մարդասիրական միջանցքների բացման վրա։
Նա նաև հույս ունի, որ շուտով այս հարցը կքննարկի Իսրայելի վարչապետ Բենիամին Նեթանյահուի հետ։ Միաժամանակ, Մակրոնը խոստովանել է, որ Գազայում հումանիտար իրավիճակն ավելի բարդ է, քան երբևէ։
