Ֆրանսիան Իրանի դեմ հայց է ներկայացրել Արդարադատության միջազգային դատարան՝ Իսլամական Հանրապետությունում բանտարկված Ֆրանսիայի երկու քաղաքացիների իրավունքների ենթադրյալ խախտման համար:
Այս մասին ասվում է դատարանի հայտարարության մեջ։ Տեքստում նշվում է, որ, ըստ Փարիզի, խոսքը Ֆրանսիայի քաղաքացիների իրավունքների «լուրջ և համակարգված խախտումների» մասին է, այդ թվում՝ Իրանում երկու ֆրանսիացիների՝ Ժակ Պարիսի և Սեսիլ Կոլերի ձերբակալության և կալանավորման համատեքստում։ Այս հիմքով ֆրանսիական կողմը Թեհրանին մեղադրում է 1963 թվականի հյուպատոսական հարաբերությունների մասին Վիեննայի կոնվենցիայի դրույթները խախտելու մեջ։
Ապրիլի 2-ին Ֆրանսիայի արտաքին գործերի նախարար Ժան-Նոել Բարոն հայտարարեց Փարիզի մտադրության մասին ՄԱԿ-ի և ԵՄ-ի միջոցով միջոցներ ձեռնարկել Պարիի և Կոլերի կալանավորման հետ կապված։
Նրա խոսքով՝ Ֆրանսիայի քաղաքացիները կալանքի տակ են գտնվում ավելի քան 1000 օր։ Նրանք Իրանում ձերբակալվել են լրտեսության մեղադրանքով։
