Լատվիայի կառավարությունը որոշել է 2026 թվականից ռազմական ծախսերը հասցնել ՀՆԱ-ի 5%-ի։
«Պաշտպանության և պետական անվտանգության կարիքների, ՆԱՏՕ-ի ներուժի ամրապնդման, ինչպես նաև Ուկրաինայի ռազմական աջակցության նպատակներին հասնելու համար Նախարարների կաբինետը նախատեսում է 2026 թվականից անցնել ՀՆԱ-ի 5%-ի չափով ծախսերին»,- ասվում է Բալթյան հանրապետության կառավարության կայքում տեղադրված հայտարարության մեջ։
Նշվում է, որ Լատվիայի պետական պարտքի չափը չպետք է գերազանցի ՀՆԱ-ի 55%-ը։
Երկու օր առաջ հարևան Լիտվայի պաշտպանության նախարար Դովիլե Շակալիենեն ասել է, որ երկրի իշխանությունները պլանավորում են հաջորդ տարվանից ծախսել ՀՆԱ-ի հինգից վեց տոկոսը պաշտպանական ծախսերի վրա, ինչպես խորհուրդ է տվել ԱՄՆ նախագահ Դոնալդ Թրամփը:
