ԱՊՀ-ի սահմաններին, մասնավորապես Աֆղանստանում լարվածությունը պահանջում է հմտությունների և գործառնական մեթոդների արդիականացում: Այս մասին հայտարարել է Տաջիկստանի Ազգային անվտանգության պետական կոմիտեի (ԱԱՊԿ) ղեկավար Սայմումին Յաթիմովը՝ Դուշանբեում բացելով Համագործակցության անդամ պետությունների անվտանգության գործակալությունների և հատուկ ծառայությունների ղեկավարների խորհրդի 56-րդ նիստը։
Նա ԱՊՀ-ին սպառնացող հիմնական սպառնալիքներից է անվանել միջազգային ահաբեկչությունը։
«Այս ավերիչ երևույթի անդրսահմանային բնույթը և Համագործակցության սահմանների մոտ լարվածության օջախների ձևավորումը, մասնավորապես՝ Աֆղանստանում, պահանջում են մեր համատեղ ջանքերը, տեղեկատվության ժամանակին փոխանակումը և օպերատիվ աշխատանքի մեթոդների ու հմտությունների մշտական թարմացումը»,- նշել է Յաթիմովը։
